Veitingahús – Baccalá Bar

Velkomin á Baccalá Bar!

Fyrir nokkrum árum útbjuggum við fullkomið hátækni iðnaðar eldhús í gamla frystihúsinu á Hauganesi, sem hafði staðið nánast autt í fleiri ár. Við notum það til að elda ýmsa rétti bæði fyrir hópa sem koma og sækja okkur heim, eins höfum við sent fulleldaða frosna rétti í mötuneyti.

Húsið er skemmtilega staðsett niðri við höfnina rétt hjá fiskhúsinu okkar. Sú hugmynd kviknaði síðan að stækka eldhúsið og opna veitingastað í viðbyggingunni. Núna er smíðinni lokið og við hlökkum til að taka á móti þér á frábærum veitingastað þar sem þú getur setið og snætt og notið útsýnisins inn fallega Eyjafjörðinn.

Það er opið hjá okkur í sumar, frá 1. maí – alla daga frá 10-22.

Fylgstu með Facebook síðunni okkar til að fá nánari upplýsingar um skemmtilega viðburði. Síminn á Baccalá Bar er 620 1035, best er að taka frá borð.

Matseðillinn er fjölbreyttur og þar má finna saltfiskrétt hússins, fiskisúpu, pizzur og hamborgara, fisk og franskar, salat, vöfflur, ís og ýmsa drykki.

 

 

Skoðaðu matseðilinn hér (smelltu á myndina til að stækka hana)!

 

Vín- og kokteilalistinn:

 

Verið velkomin!